Со пригодна свеченост на 10.04.2013, извршено е примопредавање на градоначалничката функција во Општина Ресен. Официјалниот дел од свеченоста започна со пристигнувањето на новиот градоначалник кој беше пречекан од голем број претставници на општинскиот јавен живот.
На свечената церемонија, досегашниот градоначалник Михаил Волкановски со пригодно обраќање кон новоизбраниот градоначалник Ѓоко Стрезовски и многубројните гости, му ја честита изборната победа и му посака срдечно добредојде, добро здравје и успешна работа.
Новиот градоначалник Ѓоко Стрезовски уште еднаш испрати јавна благодарност за огромната поддршка од граѓаните.